54% íbúa á Kjal­ar­nesi eru inn­flytj­endur og er það hlut­fall lang­hæst allra byggð­ar­kjarna á land­inu. Ef litið er á sveit­ar­fé­lög er hlut­fall inn­flytj­enda mest í Mýr­dals­hreppi, en 28% íbúa þar eru inn­flytj­end­ur. Þetta kemur fram í nýjum tölum Hag­stofu um dreif­ingu inn­flytj­enda eftir póst­núm­er­um. 

Inn­flytj­andi er ein­stak­lingur sem er fæddur erlendis og á for­eldra sem einnig eru fæddir erlend­is, svo og báðir afar hans og báðar ömm­ur. Athygli vekur að dreif­ing þeirra er mjög breyti­leg eftir sveit­ar­fé­lög­um. Í Skorra­dals­hreppi eru engir skráðir inn­flytj­endur á meðan þeir eru 17.497 í Reykja­vík. Hlut­fall inn­flytj­enda er hins vegar hæst í Mýr­dals­hreppi. Þar eru þeir 157 af 561 íbúa, eða 28%.

Mynd hér að ofan sýnir tíu sveit­ar­fé­lög með hæsta hlut­fall inn­flytj­enda af íbúa­fjölda auk Reykja­vík­ur, en dreif­ingin hefur breyst tölu­vert frá því í fyrra. Inn­flytj­endum fjölg­aði mest í Reykja­vík, eða um 1.526 manns. Í Reykja­nesbæ fjölg­aði inn­flytj­endum næst mest, eða um rúman þriðj­ung og eru nú orðnir 3.159. Ekk­ert sveit­ar­fé­lag mátti þola umtals­verða lækkun á þessu hlut­falli, en mest var hún í Tálkna­fjarð­ar­hreppi þar sem inn­flytj­endum fækk­aði um 19 manns.

Lang­hæsta hlut­fallið á Kjal­ar­nesi

Innan Reykja­víkur er einnig mik­ill munur milli hverfa, en lang­hæsta hlut­fall inn­flytj­enda er á Kjal­ar­nesi. Þar eru þeir 245 af 463, eða 53% íbúa. Ekki er ljóst hvað útskýrir mis­ræm­ið, en hæl­is­leit­endur sem gista á Arn­ar­holti á vegum Útlend­inga­stofn­unnar eru ekki teknir með í útreikn­ingum þar sem þeir hafa ekki lög­heim­ili hér á land­i. 

Efra-Breið­holt hefur þó að geyma stærsta fjölda inn­flytj­enda í Reykja­vík, en þar eru þeir 2.628 tals­ins og 29% íbúa hverf­is­ins. Lægsta hlut­fall inn­flytj­enda er þó í Staða­hverfi og Vest­ur­-Graf­ar­holti, þar sem þeir eru 3% hverf­is­bú­anna. Sömu sögu er að segja um hverfi Reykja­víkur og hin sveit­ar­fé­lög­in, ekk­ert þeirra mátti þola neina mark­tæka fækkun inn­flytj­enda. Mest var fækk­unin í Aust­ur­bæ, en þar fækk­aði þeim um 4. 

Eins og kom fram í frétt Kjarn­ans í gær hafa aldrei verið fleiri inn­flytj­endur á Íslandi, en þeir eru orðnir 10,6% af mann­fjöld­an­um. Búist er við því að hlut­fall þeirra muni halda áfram að vaxa og að þeir verði fjórð­ungur þjóð­ar­innar eftir hálfa öld.