Hægri stjórn ólíklegri en vinstri stjórn

Flestir ætla að kjósa Vinstri græn í Alþingiskosningunum 28. október miðað við kosningaspána. Hægri stjórn er mun ólíklegri en vinstri stjórn eftir kosningarnar.

7DM_9713_raw_1786.JPG
Auglýsing

Flestir ætla enn að kjósa Vinstri hreyf­ing­una – grænt fram­boð í kom­andi kosn­ingum miðað við kosn­inga­spána. 25,6 pró­sent kjós­enda segj­ast ætla að kjósa flokk Katrínar Jak­obs­dóttur þegar tæpar tvær vikur eru til Alþing­is­kosn­inga 28. októ­ber.

Stuðn­ingur við Sjálf­stæð­is­flokk­inn er enn 22,5 pró­sent eins og í síð­ustu kosn­inga­spá. Afar ólík­legt er að fylg­is­sveiflur vegna vend­ing­anna síð­degis á mánu­dag, þegar lög­bann var sett á frétta­flutn­ing Stund­ar­innar um Bjarna Bene­dikts­son, hafi haft áhrif á fylgi flokk­ana

Nýjasta kosn­inga­spáin var gerð þriðju­dag­inn 17. októ­ber og henni til grund­vallar eru fimm skoð­ana­kann­anir á fylgi stjórn­mála­flokka. Nýjasta könn­unin var gerð mánu­dag­inn 16. októ­ber og þess vegna er hæpið að fylg­is­sveiflur sem kunna að verða vegna lög­banns­ins á frétta­flutn­ing Stund­ar­innar komi fram í kosn­inga­spánni nú. Hér er hægt að lesa um fram­kvæmd kosn­inga­spár­inn­ar.

Kosn­inga­spáin er unnin af Baldri Héð­ins­syni stærð­fræð­ingi í sam­vinnu við Kjarn­ann. Baldur heldur úti vefnum kosn­inga­spa.is þar sem lesa má nánar um kosn­inga­spána og rýna í eldri úrslit.

Sóknin hafin

Áhuga­vert er að rýna í þróun fylgis þeirra flokka sem hafa und­an­farið verið með lítið fylgi í kosn­inga­spánni. Við­reisn skipti Bene­dikt Jóhann­essyni út úr for­manns­sæt­inu fyrir Þor­gerði Katrínu Gunn­ars­dóttur mið­viku­dag­inn 11. októ­ber. Nýjasta kosn­inga­spáin sýnir hugs­an­lega áhrif þeirra for­ystu­breyt­inga og nú mælist Við­reisn með 4,1 pró­sent stuðn­ing eftir að hafa skipst á sætum við Bjarta fram­tíð í um þrjú pró­sent fylgi.

Björt fram­tíð skefur enn botn­inn í kosn­inga­spánni og er nú með þrjú pró­sent stuðn­ing. Þegar kosn­inga­spáin fyrir landið allt er skoðuð má gera ráð fyrir að hvert fram­boð þurfi minnst fimm pró­sent stuðn­ing til þess að geta gert ráð fyrir að ná manni inn á þing. Fyr­ir­var­inn sem setja verður er að fylgi flokka er ekki jafn mikið í hverju kjör­dæmi fyrir sig. Flokkur gæti þess vegna notið meiri stuðn­ings í einu kjör­dæmi og fengið mann kjör­inn þar en engan í öðrum kjör­dæm­um.

Fylgi flokks fólks­ins hefur hríð­fallið á und­an­förnum tíu dögum og er nú 5,8 pró­sent. Hæst fór flokkur Ingu Sæland í 9,9 pró­sent í lok sept­em­ber.

Er Fram­sókn ekki stærri en þetta?

Fram­sókn­ar­flokk­ur­inn hefur enn ekki náð sér á strik eftir að Sig­mundur Davíð Gunn­laugs­son, fyrr­ver­andi for­sæt­is­ráð­herra og for­maður Fram­sókn­ar­flokks­ins, klauf sig úr flokknum í lok síð­asta mán­aðar og stofn­aði Mið­flokk­inn. Fram­sókn­ar­flokk­ur­inn er nú með 6,6 pró­sent fylgi en Mið­flokk­ur­inn er með 9,2 pró­sent í kosn­inga­spánni.

Fram­sókn­ar­flokk­ur­inn hlaut 11,49 pró­sent atkvæða í síð­ustu Alþing­is­kosn­ingum í lok októ­ber í fyrra. Það var minnsta atkvæða­hlut­fall sem flokk­ur­inn hefur fengið í Alþing­is­kosn­ingum síðan flokk­ur­inn var stofn­aður 1916. Þá hafði Fram­sókn­ar­flokk­ur­inn minnkað í hverjum kosn­ingum frá 1995.

Fram­sókn hefur hins vegar fengið færri þing­sæti en þau átta sem þau fengu í fyrra, því árið 2007 fékk flokk­ur­inn 11,7 pró­sent atkvæða og sjö þing­menn. Slíkt mis­ræmi ræðst af fjölda fram­boða og dreif­ingu atkvæða hverju sinni.

Auglýsing

Sig­mundur Davíð leiddi Fram­sókn­ar­flokk­inn í fyrsta sinn í kosn­ingum 2009 þegar flokk­ur­inn fékk 14,8 pró­sent atkvæða. Í kosn­ing­unum 2013 fékk Fram­sókn svo 24,4 pró­sent atkvæða og jafn­stærstan þing­manna­fjölda á Alþingi, með Sjálf­stæð­is­flokkn­um.

Sam­an­lagt eru Fram­sókn­ar­flokk­ur­inn og Mið­flokk­ur­inn með 15,8 pró­sent fylgi í nýj­ustu kosn­inga­spánni.

Vinstri stjórn er enn lík­legri

Kosn­inga­spáin reiknar líkur á því hversu stóran þing­flokk hvert fram­boð má gera ráð fyrir að fá að kosn­ingum lokn­um. Þegar líkur fram­boð­anna eru lagðar saman má skoða hvaða meiri­hluta verður hægt að mynda að loknum kosn­ingum og lík­indin á bak við hverja sam­setn­ingu.

Lík­indin fást með því að gera 100.000 sýnd­ar­kosn­ingar þar sem nýjasta kosn­inga­spáin er lík­leg­asta nið­ur­staða kosn­ing­anna. Skekkju­mörk og sögu­legt mis­ræmi fylgis flokka milli kjör­dæma er notað sem breyt­ur.

Hægt var að mynda meiri­hluta – 32 þing­menn eða fleiri – úr þing­mönnum Fram­sókn­ar­flokks­ins, Sam­fylk­ing­ar­innar og Vinstri grænna í nið­ur­stöðum 34 pró­sent sýnd­ar­kosn­ing­anna. Við getum því sagt að 34 pró­sent líkur séu á að slíkur meiri­hluti geti orðið að veru­leika, miðað við nýj­ustu kosn­inga­spána.

Lík­urnar eru enn meiri á að hægt verði að mynda meiri­hluta ef við bætum Pírötum við þá flokka sem nefndir voru í dæm­inu hér að ofan.

Alla lík­inda­töfl­una má skoða í kosn­inga­mið­stöð Kjarn­ans.

Séu dæmi um hægri­st­jórn skoðuð sést að lík­urnar eru minni. Meiri­hluti Fram­sókn­ar­flokks­ins, Sjálf­stæð­is­flokks­ins, Flokks fólks­ins og Mið­flokks­ins var hægt að mynda í 22 pró­sent til­fella sýnd­ar­kosn­ing­anna. EF Fram­sókn­ar­flokk­ur­inn er tek­inn úr þessu dæmi eru lík­urnar aðeins fjögur pró­sent.

Í engum til­vikum var hægt að mynda rík­is­stjórn úr þeim flokkum sem nú sitja við völd, Sjálf­stæð­is­flokkn­um, Bjartri fram­tíð og Við­reisn.

Um nýj­ustu kosn­inga­spána

Þær kann­anir sem liggja til grund­vallar nýj­ustu kosn­inga­spánni – gerð 17. októ­ber 2017 – eru listaðar hér að neð­an. Ástæða þess að nýjasta könn­un­in, könnun frétta­stofu 365 er vegin minna en kann­an­irnar sem koma á und­an, er að könnun Félags­vís­inda­stofn­unar og könnun Gallup eru gerðar yfir lengra tíma­bil og þar er fjöldi þátt­tak­enda er meiri.

Vægi kann­ana er ákveðið út frá fyr­ir­fram ákveðnum for­sendum svo hægt sé að leggja mat á gildi nið­ur­staðna. Nánar má lesa um fram­kvæmd kosn­inga­spár­innar hér á vefnum.

  • Skoð­ana­könnun Frétta­blaðs­ins, Stöðvar 2 og Vísis 16. okt (21,7%)
  • Þjóð­mála­könnun Félags­vís­inda­stofn­unar HÍ fyrir Morg­un­blaðið 9. – 12. októ­ber (22,3%)
  • Þjóð­ar­púls Gallup 29. sept­em­ber – 12 októ­ber. (24,5%)
  • Skoð­ana­könnun MMR 6. – 11. októ­ber (17,6%)
  • Skoð­ana­könnun Frétta­blaðs­ins, Stöðvar 2 og Vísis 10. okt (13,9%)
Niðurstöður kosningaspár 17. október 2017
Kosningaspáin var gerð að morgni 17. október 2017. Sjá nánari niðurstöður í kosningamiðstöð Kjarnans.
Þróun fylgis stjórnmálaflokka í kosningaspánni
Fylgi flokka miðað við kosningaspána frá og með 30. ágúst 2017.
B C D F M P S V Aðrir

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Djúpu sporin hennar Merkel
Heil kynslóð hefur alist upp með Angelu Merkel á valdastóli. Á sextán ára valdatíma hefur hún fengist við risavaxin vandamál og leyst þau flest en ein krísan stendur eftir og það er einmitt sú sem Merkel-kynslóðin hefur mestar áhyggjur af.
Kjarninn 26. september 2021
Fyrstu tölur á landsvísu, eins og þær voru settar fram í kosningasjónvarpi Stöðvar 2 árið 1991, sýndu mikla yfirburði fjórflokksins. Rótgrónu flokkarnir hafa síðan gefið eftir.
„Fjórflokkurinn“ hefur aðeins einu sinni fengið minna fylgi í alþingiskosningum
Samanlagt fylgi rótgrónustu stjórnmálaafla landsins, fjórflokksins, var 64,2 prósent í kosningunum í gær. Það er ögn lægra hlutfall greiddra atkvæða en í kosningunum 2017, en hærra en árið 2016.
Kjarninn 26. september 2021
Sigurður Ingi Jóhannsson formaður Framsóknar og Bjarni Benediktsson formaður Sjálfstæðisflokks ræða saman aður en kappræður hefjast á RÚV. Mögulega um jafnt vægi atkvæða á milli flokka, en þó ólíklega.
Framsókn græddi þingmann á kostnað Sjálfstæðisflokks vegna atkvæðamisvægis
Vegna misvægis atkvæða á milli flokka fékk Framsóknarflokkurinn einn auka þingmann á kostnað Sjálfstæðisflokksins, ef horft er til fylgis flokkanna á landsvísu. Þetta er í þriðja sinn frá árinu 2013 sem þessi skekkja kemur Framsókn til góða.
Kjarninn 26. september 2021
Formenn flokka sem náðu manni inn á þing, fyrir utan formann Miðflokksins, ræddust við í Silfrinu í morgun.
Bjarni: Ekki mitt fyrsta útspil að gera kröfu um stól forsætisráðherra
Formenn ríkisstjórnarflokkanna þriggja ætla að ræða saman strax í dag enda eðlilegt að hefja samtalið þar, við fólkið „sem við höfum vaðið skafla með og farið í gegnum ólgusjó,“ líkt og formaður Sjálfstæðisflokksins orðaði það.
Kjarninn 26. september 2021
Lenya Rún Tha Karim, frambjóðandi Pírata, er yngsti þingmaður sögunnar sem nær kjöri. Hún verður 22 ára í desember
26 nýliðar taka sæti á þingi
Um þriðjungur þingmanna sem taka sæti á Alþingi eru nýliðar. Stór hluti þeirra býr hins vegar yfir talsverðri þingreynslu en yngsti þingmaður Íslandssögunnar tekur einnig sæti á þingi.
Kjarninn 26. september 2021
Þær voru víst 30 en ekki 33, konurnar sem náðu kjöri. Píratar missa eina konu, Samfylking eina og Vinstri græn eina.
Konur enn færri en karlar á Alþingi
Í morgun leit út fyrir að Alþingi Íslendinga yrði í fyrsta skipti í sögunni skipað fleiri konum en körlum á því kjörtímabili sem nú fer í hönd. Eftir endurtalningu er staðan allt önnur: 30 konur náðu kjöri en 33 karlar.
Kjarninn 26. september 2021
Kosningum lokið: Sigurður Ingi í lykilstöðu til að mynda ríkisstjórn og á nokkra möguleika
Ríkisstjórnin ríghélt í kosningunum í gær og fjölgaði þingmönnum sínum, þrátt fyrir að samanlagt heildarfylgi hennar hafi ekki vaxið mikið. Framsókn og Flokkur fólksins unnu stórsigra en frjálslynda miðjan beið skipbrot.
Kjarninn 26. september 2021
Friðrik Jónsson
Níu áskoranir á nýju kjörtímabili
Kjarninn 26. september 2021
Meira úr sama flokkiInnlent