Kalla eftir tafarlausri afsögn þingmanna

Þrenn evrópsk samtök fatlaðs fólks og kvenna kalla eftir tafarlausri afsögn þingmannanna sex sem viðhöfðu niðrandi ummæli á Klaustur bar. Þau telja að það sé hið eina rétta í stöðunni.

Þingmennirnir sex sem sátu við drykkju á Klaustur bar 20. nóvember 2018 og töluðu um samstarfsfólk sitt og aðra samfélagsþegna.
Þingmennirnir sex sem sátu við drykkju á Klaustur bar 20. nóvember 2018 og töluðu um samstarfsfólk sitt og aðra samfélagsþegna.
Auglýsing

Ummælin sem sex þing­menn Alþingis við­höfðu á Klaustur bar þann 20. nóv­em­ber síð­ast­lið­inn er óaf­sak­an­leg hat­urs­orð­ræða og eru þeir hvattir til að segja af sér undir eins. Þetta kemur fram í yfir­lýs­ingu frá þrennum Evr­ópu­sam­tökum fatl­aðs fólks og kvenna sem send var út þann 11. des­em­ber síð­ast­lið­inn.

„Okkur hjá sam­tök­unum the European Disa­bility Forum (ED­F), the European Network on Independent Liv­ing (ENIL) og the European Women’s Lobby (EWL) mis­býður þær athuga­semdir sem íslensku þing­menn­irnir við­höfðu. Á einu augna­bliki líktu þing­menn­irnir Freyju Har­alds­dótt­ur, fyrr­ver­andi þing­mann­eskju og með­limi ENIL, þekktri bar­áttu­konu fyrir rétt­indum kvenna og fatl­aðs fólk, við sel. Þessar athuga­semdir eru hat­urs­orð­ræða. Þær hlut­gera konur og svipta þær mann­gildi og stað­festa þá stað­reynd að konur með fatl­anir standa frammi fyrir tvö­faldri mis­munun vegna fötl­unar sinnar og kyns,“ segir í yfir­lýs­ing­unni.

Atvik eru rakin í yfir­lýs­ing­unni en þar segir að eftir að málið kom fyrir augu almenn­ings hafi Freyja hlotið afsök­un­ar­beiðni frá hátt settum stjórn­mála­manni á Íslandi. Henni hafi sú afsök­un­ar­beiðni þó ekki þótt vera ein­læg. Athuga­semd­irnar hafi verið útskýrðar með til­vísun í bar­áttu Freyju Har­alds­dóttur fyrir rétt­indum fatl­aðs fólks. Þetta sé dæmi­gerð til­raun til að færa sök ger­and­ans yfir á þol­and­ann og til að grafa undan virkni kvenna í stjórn­mál­um.

Auglýsing

Ber vott um algjöra kven­fyr­ir­litn­ingu

Haft er eftir Freyju að hún telji að hið versta í þessu sé það að fólk líti ekki svo á að í þess­ari árás skarist kyn og fötlun – heldur að um sé að ræða háð í garð fatl­aðs fólks. En þetta sé marg­slungn­ara en svo og beri vott um algjöra kven­fyr­ir­litn­ingu.

Einnig er vitnað í Þur­íði Hörpu Sig­urð­ar­dótt­ur, stjórn­ar­með­lim í the European Disa­bility Forum og for­mann Öryrkja­banda­lags Íslands. „Það er sorg­legur vitn­is­burður um þessa þing­menn að þeir skuli atyrða fatlað fólk. Freyja Har­alds­dóttir er ein af virt­ustu frum­kvöðlum okkar og bar­áttu­mann­eskjum fyrir rétt­indum fatl­aðs fólks og kvenna, og þau hrak­yrði sem hún hefur mátt upp­lifa vekja sorg og sýna hvaða menn þing­menn­irnir sem um ræðir hafa að geyma,“ sagði Þur­íð­ur.

Hún bætti því við að þing­menn hafi umboð þjóð­ar­inn­ar, þeir séu fyr­ir­myndir og þeim sé ætlað að iðka umboð sitt af heil­indum og virð­ingu fyrir öll­um. Orð þeirra sýni hugs­un­ar­hátt sem ein­fald­lega leiðir af sér hindr­anir fyrir því að fatlað fólk geti notið sjálf­sagðra mann­rétt­inda, og útskýri eig­in­lega hvers vegna fram­farir í þeim efnum ger­ast of hægt hér á Íslandi.

Ofbeldi gegn konum gegn­sýrir enn heims­byggð­ina alla

For­seti European Women’s Lobby, Gwendoline Lefebvre, segir í yfir­lýs­ing­unni það vera morg­un­ljóst að hund­rað árum eftir að konur fengu kosn­inga­rétt sé enn langt í land með að konur fái notið jafn­réttis á við menn og með að karl­menn hætti að kom­ast upp með ofbeldi sitt gegn kon­um. „Það sem fr. Har­alds­dóttir hefur mátt þola er óvið­un­andi og færir heim sann­inn um það hvernig ofbeldi gegn konum og stúlkum gegn­sýrir enn Evr­ópu og heims­byggð­ina alla. EWL for­dæmir harð­lega allar birt­ing­ar­myndir ofbeldis gegn konum á vett­vangi einka­lífs, á opin­berum vett­vangi og í netheim­um.“

Þau kalla því eftir taf­ar­lausri afsögn þing­mann­anna frá Alþingi Íslend­inga. Það sé hið rétta í stöð­unni.

Hér fyrir neðan má lesa yfir­lýs­ing­una í heild sinn­i. 

Þeir þurfa að segja af sér undir eins

Á öld­ur­húsi heyrð­ist til sex full­trúa íslenska þings­ins láta út úr sér athuga­semdir varð­andi fjölda þekktra kvenna, athuga­semdir sem lit­uð­ust af kven­fyr­ir­litn­ingu og fyr­ir­litn­ingu fyrir fötl­uðu fólki. Þetta er óaf­sak­an­leg hat­urs­orð­ræða og við krefj­umst taf­ar­lausrar afsagnar þeirra



Okkur hjá sam­tök­unum the European Disa­bility Forum (ED­F), the European Network on Independent Liv­ing (ENIL) og the European Women’s Lobby (EWL) mis­býður þær athuga­semdir sem íslensku þing­menn­irnir við­höfðu. Á einu augna­bliki líktu þing­menn­irnir Freyju Har­alds­dótt­ur, fyrr­ver­andi þing­mann­eskju og með­limi ENIL, þekktri bar­áttu­konu fyrir rétt­indum kvenna og fatl­aðs fólk, við sel. Þessar athuga­semdir eru hat­urs­orð­ræða. Þær hlut­gera konur og svipta þær mann­gildi og stað­festa þá stað­reynd að konur með fatl­anir standa frammi fyrir tvö­faldri mis­munun vegna fötl­unar sinnar og kyns. 



Eftir að atvikið kom fyrir augu almenn­ings hlaut Freyja afsök­un­ar­beiðni frá hátt settum stjórn­mála­manni á Íslandi. Henni þótti sú afsök­un­ar­beiðni þó ekki vera ein­læg. Athuga­semd­irnar voru útskýrðar með til­vísun í bar­áttu Freyju Har­alds­dóttur fyrir rétt­indum fatl­aðs fólks. Þetta er dæmi­gerð til­raun til að færa sök ger­and­ans yfir á þol­and­ann og til að grafa undan virkni kvenna í stjórn­mál­um.



Freyja Har­alds­dóttir sagði: „Ég tel að hið versta í þessu sé það að fólk lítur ekki svo á að í þess­ari árás skarist kyn og fötlun – heldur að um sé að ræða háð í garð fatl­aðs fólks. En þetta er marg­slungn­ara en svo og ber vott um algjöra kven­fyr­ir­litn­ing­u.“



Þur­íður Harpa Sig­urð­ar­dótt­ir, stjórn­ar­með­limur í the European Disa­bility Forum og for­maður Öryrkja­banda­lags Íslands, bætti við: „Það er sorg­legur vitn­is­burður um þessa þing­menn að þeir skuli atyrða fatlað fólk. Freyja Har­alds­dóttir er ein af virt­ustu frum­kvöðlum okkar og bar­áttu­mann­eskjum fyrir rétt­indum fatl­aðs fólks og kvenna, og þau hrak­yrði sem hún hefur mátt upp­lifa vekja sorg og sýna hvaða menn þing­menn­irnir sem um ræðir hafa að geyma.“



Hún sagði einnig: „Þing­menn hafa umboð þjóð­ar­inn­ar, þeir eru fyr­ir­myndir og þeim er ætlað að iðka umboð sitt af heil­indum og virð­ingu fyrir öll­um. Orð þeirra sýna hugs­un­ar­hátt sem ein­fald­lega leiðir af sér hindr­anir fyrir því að fatlað fólk geti notið sjálf­sagðra mann­rétt­inda, og útskýra eig­in­lega hvers vegna fram­farir í þeim efnum ger­ast of hægt hér á Ísland­i.“



For­seti European Women’s Lobby, Gwendoline Lefebvre lýsti þessu yfir: „Það er morg­un­ljóst að hund­rað árum eftir að konur fengu kosn­inga­rétt er enn langt í land með að konur fái notið jafn­réttis á við menn og með að karl­menn hætti að kom­ast upp með ofbeldi sitt gegn kon­um.“ Hún bætti við: „Það sem fr. Har­alds­dóttir hefur mátt þola er óvið­un­andi og færir heim sann­inn um það hvernig ofbeldi gegn konum og stúlkum gegn­sýrir enn Evr­ópu og heims­byggð­ina alla. EWL for­dæmir harð­lega allar birt­ing­ar­myndir ofbeldis gegn konum á vett­vangi einka­lífs, á opin­berum vett­vangi og í netheim­um.“



Við köllum eftir taf­ar­lausri afsögn þing­mann­anna frá Alþingi Íslend­inga. Það er hið rétta í stöð­unni.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Notkun tölva gegnir sífellt stærra hlutverki í leik og starfi hjá flestum. Á síðustu misserum hefur margföldun orðið í tilraunum til netsvindls.
Sjö ráð til að koma í veg fyrir netsvindl
Margföldun hefur orðið á tilraunum til netsvindls og reglulega eru fluttar fréttir af nýjum svikapóstum í umferð. Framkvæmdastjóri CERT-IS segir mikilvægt að huga vel að netöryggi og að margar einfaldar lausnir séu í boði í þeim efnum.
Kjarninn 3. júlí 2022
Bryndís Friðriksdóttir svæðisstjóri höfuðborgarsvæðisins og Arndís Ósk Ólafsdóttir Arnalds forstöðumaður verkefnastofu Borgarlínu.
Áskorun að tryggja flæði á meðan það verður grafið og byggt
Á næstu árum fara í hönd miklar samgönguframkvæmdir víða á höfuðborgarsvæðinu. Kjarninn ræddi við svæðisstjóra Vegagerðarinnar og forstöðumann verkefnastofu Borgarlínu um stóru verkefnin sem eru á döfinni og hvernig á að láta umferðina ganga upp á meðan.
Kjarninn 3. júlí 2022
Herlufsholmen var áður munkaklaustur en í aldir var þar rekinn skóli.
Uppnám í elítuskólanum og prinsinn hættur
Herlufsholmskólinn á Sjálandi hefur verið talinn fyrirmynd annarra skóla í Danmörku, skóli hinna útvöldu og ríku. Ný heimildamynd svipti hins vegar hulunni af ýmsu sem tíðkast hefur í skólanum og nú er skólastarfið í uppnámi.
Kjarninn 3. júlí 2022
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Meira úr sama flokkiInnlent