Væri gáfulegast að sleppa því að gefa makanum jólapakka í ár?

Eiríkur Ragnarsson veltir því fyrir sér hvort það sé þess virði að gefa gjafir á jólunum eða ekki.

Auglýsing

Í síð­asta mán­uði tók Við­skipta­Mogg­inn við­tal við Sig­ríði Mar­gréti Odds­dótt­ur, for­stjóra ja.­is. Til­efni við­tals­ins var að ja.is hefur þróað nýja vöru á heima­síðu sinni: Óska­lista. Óska­list­inn er for­rit á net­inu og virkar þannig að hver sem er getur búið lista með þeim jóla­gjöfum sem þá langar í og deilt honum svo með vinum og vanda­mönnum í gegnum ja.­is.

Sig­ríður bendir á það í við­tal­inu að Óska­list­inn lagi ákveð­inn mark­aðs­brest og með honum megi spara sam­fé­lag­inu stór­fé. Sem sagt gott fyrir bísness og sam­fé­lag­ið. Til stuðn­ings þess vísar Sig­ríður í rann­sókn eftir banda­ríska hag­fræð­ing­inn Joel Wald­fogel þar sem hann metur allratap jól­anna.

Allra-hvað?

Mark­aðs­brest­ur­inn sem um ræðir felst í því að þegar við gefum ein­hverjum gjöf, þá vitum við oft ekki nákvæm­lega hvað það er sem sá sem við gefum gjöf­ina vill. Sem dæmi má nefna reið­hjólið sem for­eldrar mínir gáfu mér á jól­unum þegar ég var 10 ára. Hjólið var stór­fínt og hefði verið þrus­u­góð gjöf ef þau hefðu ekki gefið mér svipað reið­hjól jólin á und­an. Þetta árið hefði ég verið ánægð­ari með nýja mark­manns­hanska.

Auglýsing

Í þessu til­felli mæld­ist allratap á okkar heim­ili sem summan af von­brigðum mínum að við­bættu verði hjóls­ins mínus verð mark­manns­hanskanna. Ef Óska­list­inn hefði verið til á þessum tíma, þá hefði ég getað sett hansk­ana á list­ann, jólin verið bestuð og allratap­inu eytt.

Mynd: Eiríkur Ragnarsson

Gleði­leg Joel (Wald­vogel)

Joel er vissu­lega virtur jóla­hag­fræð­ingur og hefur hann unnið þó nokkrar rann­sóknir á mál­efnum tengdum jól­un­um. Rann­sóknin sem Sig­ríður vísar í er í eldri kant­in­um, en hún kom út árið 1993 og markar upp­hafið en ekki end­ann af deilum hag­fræð­inga um raun­veru­legt allratap jól­anna.

Rann­sókn Joel var seinna gagn­rýnd fyrir aðferða­fræð­ina. En Joel reyndi að mæla allratap með því að spyrja hag­fræði­nem­endur á öðru ári í Yale háskól­anum hversu mikið þeir héldu að jóla­gjaf­irnar til sín hafi kostað og hversu mikið þeir hefðu verið til í að borga fyrir þær. Svo reikn­aði Joel það út að úrtak hag­fræði­nema 1993 árgangs­ins í Yale háskól­anum meta verð­mæti gjafa sinna á bil­inu 10% til 30% minna en þeir halda að borgað hafi verið fyrir þær.

Óheilög Joel

Frá því að grein Joel kom út hafa aðrir jóla­hag­fræð­ingar potað göt á aðferða­fræði Joel. Til að mynda gerir Joel ekki til­raun til að meta það til­finn­inga­lega gildi sem ein­stak­lingar leggja á þá stað­reynd að ein­hver náinn nennir að leita, föndra og mixa í marga daga til þess að reyna að koma þeim á óvart. Árið 1996 end­ur­gerðu Solick og Hemmenway rann­sókn Joels en í stað þess að not­ast aðeins við hag­fræði­nema þá spurðu þeir alls­konar fólk, breyttu orða­lagi spurn­ing­ar­innar aðeins og báðu fólk um að taka til­finn­inga­legt gildi inn í svar sitt. Í þeirri rann­sókn mátu þeir að fólk fékk þrisvar sinnum meira út úr jóla­gjöf­unum en fjár­hags­legt verð­mæti þeirra var. ­Síðan þá hefur fjöldi rann­sókna á þessu mik­il­væga mál­efni verið gerður en því miður er lít­ill sam­hljómur meðal jóla­hag­fræð­inga og skipt­ast þeir í tvo hópa: Gjafa- og milli­færslu­jóla­hag­fræð­inga.

Milli­færslu­jól

Hag­fræð­ingar sem telja gjafa­stúss óskil­virkt leggja til lausn­ir. Ein lausn er að skipt­ast bara á pen­ingum um jól­in. Þá gætu pör til dæmis milli­fært pen­ing hvort til ann­ars. Þau pör sem gefa hvort öðru sömu upp­hæð gætu gert með sér samn­ing og gert þetta bara upp í bók­hald­inu og haldið svo pakka­laus jól.

En gjafajóla­hag­fræð­ingar hafa bent á það að milli­færsla getur verið óper­sónu­leg. Offen­berg datt í hug að það mætti leysa með því að skipt­ast á gjafa­kort­um. Gjafa­kort eru eftir allt bara pen­ing­ar, nema gef­and­inn hefur fyrir því að pæla í því hvaða búð þeg­inn kunni að meta. En í rann­sókn hans fann Offen­berg það út að gjafa­kort eru minna virði á end­ur­sölu­mörk­uðum en pen­ing­ar. Sem þýðir það að þrátt fyrir að þau hjálpi við að leið­rétta til­finn­inga­legt tap þá eru gjaf­ar­kort samt minna virði en bein­harðir pen­ing­ar. Og óvíst er hvor áhrifin vega meira.

Eikonomics óskar ykkur öllum gleði­legra – en óskil­virkra – jóla 

Frá hag­fræði­legu sjón­ar­miðum eru hund­rað milljón leiðir til að gera jólin skil­virk­ari. Og stað­reyndin er sú að ef ekki er tekin inn í öll sú flókna til­finn­inga­súpa sem jólin svamla í þá væri skil­virkast að hætta þeim.

Sjálfur hef ég gaman af því að greina jólin með verk­færum hag­fræð­inn­ar. Til að mynda í fyrra sagði ég fólki frá því hvernig það gæti bestað jólin og hvers vegna ég hafi gefið kon­unni minni róbótaryksugu í jóla­gjöf. En þrátt fyrir að ég viti hvað er skil­virkt er stað­reyndin sú að í ár á ég eftir að eyða miklum tíma í að finna góða gjöf handa upp­á­halds­fólk­inu mínu. Ég ætla ekki að skoða óska­list­ann þeirra. Heldur ætla ég ekki að gefa kon­unni minni pen­ing. Því þegar öllu er á botn­inn hvolft er hið raun­veru­lega virði jól­anna algjör­lega háð óskil­virkni þeirra.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Finnur Torfi Stefánsson
Vinstri Græn Samfylking
Kjarninn 24. febrúar 2021
Magnús Guðmundsson
Vatnajökulsþjóðgarður á góðri leið
Kjarninn 24. febrúar 2021
Grjóthrun hefur orðið á Reykjanesskaga og varað er við frekara hruni. Myndina tók áhöfn Landhelgisgæslunnar í eftirlitsflugi í morgun.
Hættustigi lýst yfir: Grjót hrunið úr fjöllum og hvítir gufustrókar sést
Lýst hefur verið yfir hættustigi almannavarna á Reykjanesskaga og höfuðborgarsvæðinu vegna jarðskjálftahrinunnar sem hófst í morgun. Grjót hefur hrunið úr fjöllum á Reykjanesi og hvítir gufustrókar á jarðhitasvæðum sést á svæðinu.
Kjarninn 24. febrúar 2021
Finnst það „mikill dómgreindarbrestur“ hjá Áslaugu að hafa hringt í lögreglustjórann
Þingmaður Viðreisnar gagnrýnir dómsmálaráðherra fyrir að hringja í lögreglustjórann á höfuðborgarsvæðinu eftir að lögreglan upplýsti um að annar ráðherra, formaður flokks hennar, hefði verið í samkvæmi sem leyst var upp vegna gruns um sóttvarnarbrot.
Kjarninn 24. febrúar 2021
Jóhann Páll Jóhannsson
Frá atvinnukreppu til framsækinnar atvinnustefnu
Kjarninn 24. febrúar 2021
Kristín Jónsdóttir, hópstjóri náttúruvárvöktunar Veðurstofu Íslands.
„Við þurfum að undirbúa okkur fyrir að það verði stærri skjálftar“
Kristín Jónsdóttir hjá náttúruvárvöktun Veðurstofu Íslands segir að líkur séu á fleiri skjálftum og að við þurfum að vera við því búin að þeir verði stærri en þeir sem orðið hafa í morgun.
Kjarninn 24. febrúar 2021
Ármann Höskuldsson eldfjallafræðingur við Háskóla Íslands.
„Þetta eru mikil læti“
Eldfjallafræðingurinn Ármann Höskuldsson segir að jarðskjálftahrinan mikla á Reykjanesi í dag þurfi ekki að leiða til eldgoss en bendir á að svæðið sé þekkt eldgosasvæði „og það hlýtur að koma að því“ að það komi „eitthvað upp“.
Kjarninn 24. febrúar 2021
Myndin sýnir fjölda skjálfta á síðustu klukkustundum eins og staðan var kl. 10.35 í morgun.
Staðfest: 5,7 stiga skjálfti – „Sterk jarðskjálftahrina gengur nú yfir Reykjanes og höfuðborgarsvæðið“
Stór jarðskjálfti, 5,7 stig, fannst vel á öllu suðvesturhorni landsins laust eftir klukkan 10 í morgun. Fjölmargir skjálftar hafa fylgt í kjölfarið.
Kjarninn 24. febrúar 2021
Meira úr sama flokkiEikonomics