Átta hlutir sem þú þarft að vita um EM 2016

Ísland tekur þátt í lokamóti Evrópumeistaramóts karla í knattspyrnu í fyrsta sinn. Fyrir þá sem ekki fylgjast reglulega með fótbolta getur verið erfitt að átta sig á hvað snýr upp og hvað niður.

Rooney EM 2016 kort
Auglýsing

Evr­ópu­meist­ara­mótið í knatt­spyrnu hefst með opn­un­ar­leik Frakka og Rúm­ena í Par­ís í dag. Ísland tekur þátt í Evr­ópu­meist­ara­mót­inu í fyrsta sinn í knatt­spyrnu­sög­unni. Það er því ekki að undra að þeir Íslend­ingar sem ekki fylgj­ast reglu­lega með fót­bolta viti ekk­ert hvað við erum búin að koma okkur útí. Hér eru nokkrar algengar spurn­ingar sem þú þorðir ekki að spurja og svör við þeim.

Hvernig fer mótið fram?

Alls hlutu 24 lið þátt­töku­rétt á Evr­ópu­meist­ar­mót­inu (EM) í ár. Mótið er leikið í fimm skref­um; riðla­keppni, 16 liða úrslit­um, 8 liða úrslit­um, und­an­úr­slitum og úrslit­um. Lið­unum er skipt í sex riðla þar sem fjögur lið eru í hverjum riðli. Liðin fjögur leika svo öll þrjá leiki, einn við hverja þjóð í riðl­in­um, sam­tals sex leik­i. 

Þá tekur úrslita­keppnin við og gilda nú nýjar reglur ef lið standa jöfn eftir 90 mín­útna leik. Þá tekur við fram­leng­ing og ef ekki tekst að finna sig­ur­veg­ara í fram­leng­ingu þá er gripið til víta­spyrnu­keppni. Tvö lið úr hverjum riðli kom­ast í 16 liða úrslit auk fjög­urra liða sem lentu í þriðja sæti í riðl­unum sín­um. Þar ræður árangur lið­anna í þriðja sæti því hvort liðið kom­ist áfram. 

Auglýsing

Sig­ur­veg­arar úr átta leikjum í 16 liða úrslitum kom­ast þá áfram í 8 liða úrslit og fjögur lið þaðan áfram í und­an­úr­slit. Sig­ur­veg­ar­arnir úr þeim tveimur leikjum takast svo á í úrslitum 10. júlí.

Á Ísland séns á að verða evr­ópu­meist­ari?

Það verður að telj­ast í besta falli mjög langsóttur draum­ur. En miði er mögu­leiki! Grikkir mættu til leiks árið 2004, léku allar stærstu knatt­spyrnu­þjóðir Evr­ópu grátt með þaul­skipu­lögðum varn­ar­leik og stóðu á end­anum uppi sem sig­ur­veg­ari. Svo það er allt hægt.

Þeir sem eru að telja lukku­dís­irnar sín­ar, halda að him­in­tunglin standi akkúrat rétt eða eru bara til í að eyða nokkrum krónum geta opnað upp­á­halds veð­bank­ann sinn og sett á Ísland til að sigra mót­ið. Ef Ísland vinnur svo má búast við að upp­hæðin 125-fald­ist. Þeir allra bjart­sýn­ustu ættu samt að setja pen­ing á Albani sem taldir eru ólík­leg­ast­ir. Gróð­inn verður samt fínn ef allt gengur upp; upp­hæðin mun ekki nema 500-fald­ast. (Miðað er við stuðla bet365 fimmtu­dag­inn 9. jún­í).

Hvenær eru leikir Íslands?

Íslenska liðið hefur nú komið sér fyrir í bæki­stöðvum sínum í Ann­ecy-­le-Vi­eux í vest­ur­hluta Frakk­lands. Liðið leikur alls þrjá leiki í riðla­keppn­inni og aldrei á sama stað. Það hefur reynst íslenskum stuðn­ings­mönnum nokkur haus­verk­ur, enda um nokkuð langan veg að fara milli leikja. Ísland er í F-riðli með Portú­gal, Aust­ur­ríki og Ung­verja­landi.

Keppn­is­staðir Íslands eru merktir app­el­sínugul­ir. Aðrir keppn­is­staðir eru merktir fjólu­blá­ir.

Ísland leikur fyrsta leik sinn þriðju­dag­inn 14. júní í Sain­t-Étienne, ekki langt frá Ann­ecy-bæki­stöðv­un­um. Leik­ur­inn hefst klukkan 19:00 að íslenskum tíma og munu okkar menn etja kappi við Portú­gal. Með Portú­gal leikur Christ­i­ano Ron­aldo, einn besti leik­maður heims. Portú­gal hefur aldrei orðið Evr­ópu­meist­ari en varð í öðru sæti á eftir Grikkjum árið 2004.

Annar leikur Íslands í riðla­keppn­inni verður gegn Ung­verjum laug­ar­dag­inn 18. júní í Marseille í Suð­ur­-Frakk­landi. Leik­ur­inn hefst klukkan 16:00 að íslenskum tíma. Ung­verjar eru góðir í fót­bolta og harðir í horn að taka enda skipa þeir nú 20. sæti á list­anum yfir sterk­ustu fót­bolta­þjóðir heims. Ung­verja­land hefur aldrei orðið Evr­ópu­meist­ari en urðu í þriðja sæti árið 1964.

Síð­asti leikur Íslands í riðla­keppn­inni er gegn Aust­ur­ríki mið­viku­dag­inn 22. júní í Par­ís. Leik­ur­inn hefst klukkan 16:00 að íslenskum tíma, svo gera má ráð fyrir að fót­boltaunn­endur muni vilja fara fyrr heim úr vinn­unni þann dag­inn. Aust­ur­ríki hefur aldrei unnið mótið enda aðeins tekið þátt tvisvar. Það voru tvö síð­ustu mót árið 2008 og 2012. Aust­ur­ríki er 10 sæti yfir bestu fót­bolta­þjóðir í heimi og hefur aldrei farið hærra.

Hverjir eru sig­ur­strang­leg­astir á mót­inu?

Frakkar eru, áður en mótið hefst, taldir sig­ur­strang­leg­astir í veð­bönk­um. Frakkar hafa tvisvar orðið Evr­ópu­meist­ar­ar, fyrst árið 1984 og svo árið 2000. Þýska­land er sú þjóð sem er talin eiga næst mestan séns á að hreppa gullið, rétt á undan Spán­verj­um.

Hvaða stór­stjörnur mæta til leiks?

Christiano Ronaldo, Wayne Rooney, Zlatan Ibrahimovich og Thomas Müller.

Evr­ópa er mikil fót­bolta­álfa og þaðan koma margir af bestu leik­mönnum heims. Þeir sem ekki fylgj­ast reglu­lega með fót­bolta ættu samt að hafa heyrt nöfn á borð við Christ­i­ano Ron­aldo, Wayne Roo­ney, Zlatan Ibra­himovich og Tomas Müll­er.

Hversu lengi stendur mót­ið?

Mótið stendur í heilan mánuð frá 10. júní til 10. júlí. Leikið er á tíu leik­vöngum vítt og breitt um Frakk­land og í öllum helstu borgum lands­ins. Ísland keppir 14. júní, 18.júní og 22. júní í Sain­t-Étienne, Marseille og Par­ís. Leikir Íslands gætu orðið fleiri komumst við í úrslita­keppn­ina.

Í hvaða litum spilar Ísland?

Landsliðstreyjur Íslands á EM 2016.

Ísland tekur tvo bún­inga með sér til Frakk­lands. Aðal­bún­ing­ur­inn er blár og vara­bún­ing­ur­inn er hvít­ur. Mark­menn­irnir spila hins vegar í öðru­vísi treyj­um. Þær geta verið eit­ur­grænar eða svart­ar, eftir því við hvaða þjóð kappi er att.

Hverjir unnu síð­ast og þar áður?

Keppnin fer fram á fjög­urra ára fresti og hefur gert síðan 1960. Í síð­ustu tvö skipt­in, árið 2012 og 2008, hefur Spánn staðið uppi sem sig­ur­veg­ari. Fyrrum herra­þjóð okk­ar, Dan­ir, hafa einu sinni unnið árið 1992.

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Allir þurfa helst að eiga heima einhversstaðar. Og flestir þurfa að taka lán til þess að geta keypt sér heimili.
Ár óverðtryggðu lánanna
Íslendingar eru að sækja meira í óverðtryggð lán en nokkru sinni áður, samhliða vaxtalækkun Seðlabanka Íslands. Hratt lækkandi verðbólga gerir það þó að verkum að verðtryggðu lánin er enn í mörgum tilfellum hagstæðari.
Kjarninn 25. janúar 2020
Matthildur Björnsdóttir
Sköpun versus það sem menn sögðu að væri almættið
Kjarninn 25. janúar 2020
Vilja að ekki verði hvoru tveggja beitt álagi og annarri refsingu vegna sama skattalagabrots
Nefnd um rannsókn og saksókn skattalagabrota leggur til að hætt verði að beita álagi við endurákvörðun skatta þegar mál fer í refsimeðferð.
Kjarninn 25. janúar 2020
Erlendum ríkisborgurum gæti fjölgað um einn Garðabæ út 2023
Útlendingum sem fluttu til Íslands fjölgaði um rúmlega fimm þúsund í fyrra þrátt fyrir efnahagssamdrátt. Þeir hefur fjölgað um 128 prósent frá byrjun árs 2011 og spár gera ráð fyrir að þeim haldi áfram að fjölga á allra næstu árum.
Kjarninn 25. janúar 2020
Kristbjörn Árnason
Hrunadans nútímans
Leslistinn 25. janúar 2020
Kórónaveiran: Heimshorna á milli á innan við 30 dögum
Það var ekkert leyndarmál að á fiskmarkaðinum í Wuhan var hægt að kaupa margt annað en fisk. 41 hefur látist vegna veirusýkingar sem rakin er til markaðarins.
Kjarninn 25. janúar 2020
Stefán Ólafsson
Nýfrjálshyggju Miltons Friedman hafnað í Bandaríkjunum og Davos
Kjarninn 25. janúar 2020
Samdráttur í flugi lagar losunarstöðuna
Losun gróðurhúsalofttegunda frá flugi dróst verulega mikið saman í fyrra. Það er ein hliðin á miklum efnahagslegum og umhverfislegum áhrifum af minni flugumferð eftir fall WOW Air og kyrrsetninguna á 737 Max vélum Boeing.
Kjarninn 24. janúar 2020
Meira eftir höfundinnBirgir Þór Harðarson
Meira úr sama flokkiFréttaskýringar
None