Pokémon Go er viðhengi við raunveruleikann og höfðar til frumeiginleika mannsins

Pokémon Go er svo vinsæll tölvuleikur að vefþjónar leiksins höndla ekki alla þá sem vilja spila.

Pokémon-æði hefur gripið um sig í heiminum.
Pokémon-æði hefur gripið um sig í heiminum.
Auglýsing

„Venusaur, Chariz­ard, Bla­stoise, Pikachu og fleiri Poké­mon-skrímsli hafa fund­ist á jörð­u.“ Svona er hinn geysi­vin­sæli Poké­mon Go-­leikur kynntur á App­Stor­e-verslun Apple í snjall­símun­um. Leik­ur­inn er orð­inn að eins­konar „költi“ og það er ekki í fyrsta sinn sem Poké­mon nær slíkum vin­sæld­um. Risa stór mót eru haldin á fólkvöngum og fátt annað virð­ist kom­ast að í umfjöllun fjöl­miðla, nema þá kannski stöku valda­rán og hvíta­birn­ir.

Leik­ur­inn kom út í Banda­ríkj­un­um, Ástr­alíu og Nýja Sjá­landi 5. júlí síð­ast­lið­inn og varð strax feyki­vin­sæll; svo vin­sæll raunar að vef­þjón­arnir sem hýsa leik­inn höfðu ekki undan umferð­inni svo ákveðið var að fresta útgáfu leiks­ins í Evr­ópu og víð­ar. Leik­ur­inn hafði verið sóttur 7,5 milljón sinnum 11. júlí og spil­arar skráðu sig inn í að með­al­tali 43 mín­útur á dag.

Leik­ur­inn varð svo aðgengi­legur í íslenskum app­versl­unum rétt fyrir helgi. Blaða­manni Kjarn­ans hefur hins vegar ekki tek­ist að prófa leik­inn því enn anna vef­þjón­arnir ekki umferð.

Auglýsing

Það kemur ekki að sök hér, enda hefur verið nóg rætt um gang leiks­ins og hvernig ung­menni virð­ast ráfa stjórn­laust um allt í leit að Poké­mon-skrímslum til að veiða. Skrímslin birt­ast á skjánum hjá þeim sem veið­ir. Veiði­menn­irnir hafa þá þegar fundið þau á korti og þurfa að leita leiða til að kom­ast að felu­stað skríms­is­ins.

Raun­veru­leika­við­hengi

Leik­ur­inn er þess vegna eins konar við­bót við raun­veru­leik­ann og snjall­sím­inn orð­inn að glugga inn í ver­öld sem við sjáum ekki með berum aug­um. Niantic, fyr­ir­tækið sem fram­leiðir leik­inn, hefur áður feng­ist við svipað við­fangs­efni í snjall­síma­leiknum Ingress sem kom út árið 2013. Í þeim leik virð­ast yfir­nátt­úr­legir hlutir hafa gerst á jörð­inni og er það hlut­verk spilar­ans að púsla saman vís­bend­ingum og kom­ast að leynd­ar­dóm­in­um.

Niantic varð til sem nýsköp­un­ar­deild innan Google árið 2010. Þá hafði John Hanke, yfir­maður í korta­deild hug­bún­að­ar­risans, lýst áhuga sínum á að róa á önnur mið og halda áfram að búa til nýja hluti. Í stað þess að missa Hanke úr fyr­ir­tæk­inu var ákveðið að búa til nýja deild í kringum hann þar sem hann gæti sinnt hugð­ar­efnum sínum og búið til nýjar vörur með mátt Google á bak við sig. 

„Ég er búinn að gera allt sem hægt er til að stilla þessu upp eins og nýsköp­un­ar­fyr­ir­tæki,“ sagði Hanke í við­tali við Fastcompany.com árið 2013 um það leyti sem Ingress kom fyrst út. Það sem var óvana­legt við þetta nýsköp­un­ar­verk­efni innan stór­fyr­ir­tækis var að honum var frjálst að gera hvað sem honum lang­aði, án þess að það væri tengt þeim vörum sem Google þurfti til að halda sínum stalli í tækni­heim­in­um.

Þetta sprota­fyr­ir­tæki innan Google byrj­aði þess vegna án vöru. Hanke hafði ein­ungis hug­mynd um hvað honum lang­aði að gera. Fyrst urðu til verk­efni sem byggðu á korta­grunni Goog­le, kannski eðli­lega miðað við fyrra starf Hanke sem yfir­maður korta­deild­ar­inn­ar. Field Trip-appið lét ferða­langa vita þegar þeir fóru fram­hjá merki­legum stöðum eða kenni­leitum og birti á skjánum fróð­leik um það sem fyrir augum bar.

„Leið­ar­vísir­inn þinn að töff, földum og ein­stökum hlutum í heim­inum umhverfis þig,“ segir ein­hver­staðar í kynn­ing­ar­efni fyrir Field Trip. Gögnin sem hver not­andi bjó til í því appi urðu á end­anum mik­il­væg fyrir Google til að full­komna kortin á Google Maps og til að læra á göngu­hegðun fólks.

En þegar eign­ar­hald Google var end­ur­skipu­lagt undir nafn­inu Alp­habet í sept­em­ber árið 2015 fékk Niantic sjálf­stæði frá skap­ara sín­um. Stuttu síðar var komin stór fjár­fest­ing frá Goog­le, Nin­tendo og The Poké­mon Company svo Niantic gæti haldið áfram að þróa raun­veru­leika­við­hengið sitt.

Hvað er málið með Poké­mon?

Fjár­fest­ingin nam 30 millj­ónum doll­ara, eða því sem nemur rúm­lega 3,7 millj­örðum íslenskra króna. Til sam­an­burðar hefur íslenska sprota­fyr­ir­tækið Plain Vanilla fengið ríf­lega fjög­urra millj­arða króna í fjár­fest­ingar frá stofnun fyr­ir­tæk­is­ins. Leik­ur­inn er frír í app­versl­unum en not­endum býðst að eyða pen­ingum í app­inu með því að kaupa sér PokéCoins, eins­konar spila­pen­inga, sem gjald­gengir eru í leikn­um.

Leik­ur­inn er þegar far­inn að hafa áhrif á hluta­bréfa­verð eig­enda leiks­ins. Jap­anski tölvu­leikja­fram­leið­and­inn Nin­tendo á 32 pró­sent hlut í verk­efn­inu en hluta­bréfa­verðið hefur hækkað um 49 pró­sent síðan leik­ur­inn kom út. Nin­tendo hefur átt erfitt upp­dráttar und­an­farin ár eftir að snjall­síma­leikir náðu yfir­hönd­inni á tölvu­leikja­mark­að­in­um.

Poké­mon er hins vegar mun eldra hug­tak en snjall­sím­inn. Fyrir um 20 árum spil­uðu ung­menni og safn­arar með Poké­mon-­spil, og gera raunar enn. Poké­mon Go-­leik­ur­inn bætir við nýju lagi af raun­veru­leik­anum í þennan far­sæla leik.

Leik­ur­inn, hvort sem það er með spil­um, á Nin­tendo Game Boy-­leikja­tölvu eða í snjall­sím­an­um, hefur flesta þá hvata sem góður tölvu­leikur þarf til að vera ávana­bin­andi og kalla á meiri spil­un. Quat­ric Foundry, fyr­ir­tæki sem greinir tölvu­leiki og notkun þeirra, greinir þessa hvata sem: aðgerð­ir, félags­þátt­taka, leikni, ein­beit­ing, sköp­un­ar­gáfa og við­ur­kenn­ing fyrir afrek.

Þetta síð­asta hefur ein­stak­lega mikið að gera með vin­sældir leikja og ann­arra snjall­for­rita. Margir þekkja fryggð­ina sem fylgir því að ná settu skrefa­tak­marki á dag, hvort sem það er á þar til­gerðu arm­bandi eða í sér­stökum skrefa­mæli í snjall­sím­an­um. Það sama er með Poké­mon þar sem fólk er verð­launað fyrir að fara víða og safna skrímslum og hvað eina. Þetta má jafn­vel heim­færa á aðra úti­vist; hvers vegna förum við í fjall­göngur eða í golf nema til að ná ein­hverju tak­marki.

Höf­undur Poké­mon-hug­mynd­ar­inn­ar, Satoshi Tajiri, þótti til dæmis ofboðs­lega gaman að veiða skor­dýr þegar hann var ungur drengur í úthverfi Tokyo á sjö­unda og átt­unda ára­tugn­um. Það er raunar upp­runa Poké­mon að finna; í skor­dýra­veið­um.

Fram­tíð snjall­tækja­tölvu­leikja er spenn­andi því það þykir nær aug­ljóst að fleiri leikir fylgi for­dæmi Ingress og Poké­mon Go og noti alla tækni snjall­sím­anna í leik­inn. Ætli korta­teng­ing Poké­mon Go sé bara brella eða hugs­an­lega fram­tíðin í snjall­síma­tölvu­leikj­um? Slíkt verður tím­inn að fá að leiða í ljós.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Skiljum ekkert eftir
Skiljum ekkert eftir
Skiljum ekkert eftir – Heimajarðgerð
Kjarninn 29. maí 2020
Alma Möller landlæknir og Kári Stefánsson forstjóri ÍE á upplýsingafundi almannavarna.
Ríkið hefur ekki greitt Íslenskri erfðagreiningu neitt fyrir skimanir
Íslensk erfðagreining hefur ekkert fengið greitt frá íslenskum yfirvöldum fyrir skimanir sínar gegn veirunni. Kári Stefánsson forstjóri fyrirtækisins verðmat framlag fyrirtækisins til samfélagsins á þrjá milljarða króna í Kastljósi á miðvikudagskvöld.
Kjarninn 29. maí 2020
Icelandair Group er efst á lista, enda með meira en eitt og hálft prósent íslenska vinnumarkaðarins í hlutastarfi í mars og apríl.
Fyrirtækin sem fengu mest út úr hlutabótaleiðinni í mars og apríl
Í skýrslu Ríkisendurskoðunar um hlutabótaleiðina má finna niðurbrot á því hversu mikið fé rann frá Vinnumálastofnun til starfsmanna fyrirtækja sem nýttu hlutabótaleiðina í mars og apríl. Kjarninn tók það helsta saman.
Kjarninn 28. maí 2020
Samkeppniseftirlitið sektar Símann um 500 milljónir
Samkvæmt Samkeppniseftirlitinu hefur Síminn brotið gegn skilyrðum í sáttum sem fyrirtækið hefur á undanförnum árum gert við eftirlitið. Það telur að brotin séu alvarleg og sektar Símann vegna þessa um 500 milljónir króna. Síminn ætlar að áfrýja.
Kjarninn 28. maí 2020
Skúli Eggert Þórðarson er ríkisendurskoðandi.
Talin hafa breytt launaseðlum til að ná hærri greiðslum úr ríkissjóði vegna hlutabótaleiðar
Ríkisendurskoðun telur að leiða megi líkum að því að ákveðinn hópur sem nýtti sér hlutabótaleiðina hafi breytt áður uppgefnum launum til hækkunar svo þeir myndu fá hærri greiðslur úr ríkissjóði. Hækkunin í heild nemur 114 milljónum króna.
Kjarninn 28. maí 2020
Oddný G. Harðardóttir vill að uppsagnarstyrkjum verði breytt.
Vill banna þeim sem átt hafa í fjárhagslegum tengslum við skattaskjól að fá uppsagnarstyrk
Oddný G. Harðardóttir hefur lagt fram breytingartillögu við frumvarp um stuðning úr ríkissjóði vegna greiðslu launakostnaðar í uppsagnarfresti. Kallar eftir aðgerðum fyrirtækja í loftslagsmálum, endurgreiðslu styrkja og þaki á laun stjórnenda.
Kjarninn 28. maí 2020
Svört skýrsla um hlutabótaleiðina sýnir grun um misnotkun
Ríkisendurskoðun gagnrýnir framkvæmd hlutabótaleiðarinnar harðlega í skýrslu sem hún hefur unnið. Of margir sem áttu ekki í bráðum rekstrarvanda hafi nýtt sér hana til að sækja fjármuni í ríkissjóð og misbrestur hafi verið á eftirliti.
Kjarninn 28. maí 2020
Smári McCarthy, þingmaður Pírata.
Hægt sé að lesa á milli línanna og sjá hvaða fyrirtæki uppsagnarstyrkir séu hugsaðir fyrir
Þingmaður Pírata telur líklegt að sagan muni dæma frumvarp um að greiða 27 milljarða króna í styrkti til fyrirtækja til að hjálpa þeim að segja upp fólki, sem mistök. Stöðugleika þorra launamanna sé fórnað fyrir hagsmuni nokkurra fyrirtækjaeigenda.
Kjarninn 28. maí 2020
Meira eftir höfundinnBirgir Þór Harðarson
Meira úr sama flokkiFréttaskýringar
None