Greiddu minnst 80,4 milljónir í kvikmyndasýningar fyrir skólabörn

Menntmálaráðuneytið gerir reglulega samninga við kvikmyndagerðamenn og -framleiðendur um sýningar á kvikmyndum í grunnskólum landsins. Síðan 1988 hefur ráðuneytið greitt að minnsta kosti 80,4 milljónir fyrir kvikmyndir.

Auglýsing
Baltasar Kormákur í hlutverki sínu í kvikmyndinni Eiðurinn.
Baltasar Kormákur í hlutverki sínu í kvikmyndinni Eiðurinn.

Mennta­mála­ráðu­neytið hefur á und­an­förnum tíu árum greitt 40 millj­ónir fyrir sýn­ing­ar­rétt á 12 kvik­myndum eftir íslenska leik­stjóra í skólum lands­ins. Síðan 1988 hefur ráðu­neytið greitt að minnsta kosti 80,4 millj­ónir fyrir kvik­mynda­sýn­ingar í skól­um.

Í ráðu­neyt­inu liggja hins vegar ekki fyrir upp­lýs­ingar um kaup á kvik­myndum sem gerð voru fyrir árið 1988. Í svari ráðu­neyt­is­ins við fyr­ir­spurn Kjarn­ans um útgjöld til kaupa á sýn­inga­rétti á kvik­myndum segir jafn­framt að greiðslur fyrir kvik­myndir síðan 1988 gæti jafn­vel verið hærri og sé að minnsta kosti 80,4 millj­ónir króna.

Dag­inn fyrir kosn­ingar til Alþingis síð­ast­liðið haust, hinn 28. októ­ber 2016, und­ir­rit­aði Ill­ugi Gunn­ars­son, þáver­andi mennta­mála­ráð­herra, styrkt­ar­samn­ing sem ætlað var að mæta kostn­aði við sýn­ingar og kynn­ingu á til­urð kvik­mynd­ar­innar Eið­ur­inn fyrir nem­endur í 9. og 10. bekk grunn­skóla um land allt. Fyrir hönd fram­leið­and­ans – RVK Films – skrif­aði Baltasar Kor­mák­ur, leik­stjóri og aðal­leik­ari í Eiðn­um, undir styrkt­ar­samn­ing­inn.



Samn­ing­ur­inn sem Ill­ugi og Baltasar und­ir­rit­uðu var að upp­hæð 10 millj­ónir króna og gildir í sjö mán­uði eftir und­ir­ritun eða fram undir lok skóla­árs­ins 2016-2017. Þessar tíu millj­ónir voru greiddar fyrir sýn­ing­ar­rétt að mynd­inni og til styrktar kynn­ing­ar­starfs.

Í frétt á vef ráðu­neyt­is­ins sem birt­ist 3. nóv­em­ber 2016 segir að ástæða styrkt­ar­samn­ings­ins sé að efla for­varn­ar­starf fyrir elstu nem­endur grunn­skóla lands­ins.

Í kvik­mynd­inni eftir Baltasar er fjallað um reyk­vískan lækni sem kemst að því að dóttir hans hefur hafið sam­búð með skugga­legum manni, og að hún neyti eit­ur­lyfja reglu­lega. Við­brögð föð­urs­ins, sem leik­inn er af Baltasar sjálf­um, eru að reyna að slíta sam­bandi dóttur sinnar við hinn skugga­lega náunga. Það verður svo ekki rakið hér hvernig það mál endar allt sam­an.

Baltasar hefur sjálfur ferð­ast um landið og fylgt sýn­ing­unum eftir og svarað spurn­ingum skóla­barn­anna, eftir að sýn­ing­unum lýk­ur.

Auglýsing

Frið­rik fékk 30 millj­ónir fyrir 11 myndir

Mennta­mála­ráðu­neytið gerði sam­bæri­legan samn­ing síð­ast við Frið­rik Þór Frið­riks­son árið 2007. Þá greiddi ráðu­neytið 30 millj­ónir króna fyrir sýn­ing­ar­rétt á ell­efu kvik­myndum eftir Frið­rik Þór í 15 ár.

Í svari ráðu­neyt­is­ins við fyr­ir­spurn Kjarn­ans segir að í samn­ing­unum hafi falist réttur til opin­berra sýn­inga í skólum lands­ins á til­greindum kvik­mynd­um. Til­efnið sam­komu­lags­ins hafi verið að sýna kvik­myndir Frið­riks við kennslu í íslenskum bók­menntum og kvik­mynda­fræð­um.

Í svar­inu er það hins vegar ekki til­greint hvaða myndir það eru sem Frið­rik Þór veitti sýn­ing­ar­rétt af. Myndir hans eru margar hverjar vel þekktar og telj­ast sumar til íslenskra klassíkera, ef svo má að orði kom­ast.

Sér­stak­lega er minn­is­stæð myndin Börn nátt­úr­unnar frá 1991, þar sem Gísli Hall­dórs­son og Sig­ríður Haga­lín fóru með aðal­hlut­verk. Myndin hlaut mörg verð­laun og var jafn­framt til­nefnd til Ósk­arsverð­launa í flokki bestu erlendu kvik­mynda árið 1992.

Fleiri þekktar myndir eftir Frið­rik Þór eru til dæmis Djöfla­eyjan, Englar Alheims­ins og Bíó­dagar.

Samn­ingar við Frið­rik Þór renna út skóla­árið 2021-2022.



Eldri samn­ingar

Mennta­mála­ráðu­neytið hefur áður gert samn­inga á borð við þessa. Upp­lýs­ingar um kaup á kvik­myndum liggja ekki fyrir fram til árs­ins 1988 en síðan hefur ráðu­neytið reglu­lega gert samn­ing um sýn­inga­rétt á kvik­myndum í skólum

Árið 1988 var gerður samn­ingur við Þor­stein Jóns­son um sýn­inga­rétt á Atóm­stöð­inni og Punkt­ur, punkt­ur, komma strik. Fyrir þann samn­ing greiddi ráðu­neytið fimm milljón krónur fyrir sýn­ing­ar­rétt­inn.

Ráðu­neytið gerði svo samn­ing árið 1992 við F.I.L.M. um sýn­ing­ar­rétt á kvik­mynd­inni Lilju eftir Hrafn Gunn­laugs­son. Gerðir voru tveir samn­ingar við Hrafn sem runnu út árið 2004 og 2005. Sam­tals voru greiðslur fyrir þessa samn­inga frá rík­inu til Hrafns 7,9 milljón krón­ur.

Árið 1994 var gerður samn­ingur við fram­leiðslu­fyr­ir­tækið Tíu-­tíu á tveimur kvik­myndum eftir Krist­ínu Jóhann­es­dótt­ur. Mynd­irnar Á hjara ver­aldar og Svo á jörðu sem og himni mátti þá sýna í skólum lands­ins. Sýn­ing­ar­rétt­ur­inn kost­aði ráðu­neytið 7,5 millj­ónir króna en í svari frá ráðu­neyt­inu kemur ekki fram hversu langan tíma samn­ing­ur­inn spann­aði.

Síð­asti samn­ing­ur­inn sem gerður var áður en samið var við Frið­rik Þór var gerður árið 2005 þegar mennta­mála­ráðu­neytið keypti allt kvik­mynda­safn Ósvaldar Knud­sen og Vil­hjálms Knud­sen. Umsamið kaup­verð var 20 millj­ónir króna. Ekki er sér­stak­lega fjallað um rétt til opin­berra sýn­inga á því myndefni sem keypt var.

Þeir feðgar Ósvaldur Knud­sen og Vil­hjálmur sonur hans mynd­uðu öll eld­gos á Íslandi frá árinu 1961 og eltu uppi jarð­hrær­ingar síðan í Surts­eyj­ar­gosi. Mynda­safnið sem ráðu­neytið festi kaup á er því að öllum lík­indum nokkuð stórt og verð­mæt heim­ild um íslenskan veru­leika.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Matthildur Björnsdóttir
Að vera útlendingur – Víðara hugtak en við höldum
Kjarninn 22. febrúar 2020
Sönnun þess að hægt er að skrifa um myndlist á lifandi og áhrifaríkan hátt
Jóna Kristjana Hólmgeirsdóttir skrifar um bókina Vetrargulrætur.
Kjarninn 22. febrúar 2020
Gylfi Sigurðsson er stærsta íslenska stjarnan í enska boltanum, sem Síminn keypti sýningarréttinn að í fyrra. Hann leikur með Everton.
Tekjur Símans af sjónvarpsþjónustu jukust um 818 milljónir í fyrra
Áhrif kaupanna á sýningarrétti enska boltans, og þeirra breytinga sem Síminn réðst í samhliða innleiðingu hans í sjónvarpsþjónustu sína, eru afar áberandi í uppgjöri félagsins fyrir síðasta ár.
Kjarninn 22. febrúar 2020
Algjörlega tilbúinn í hið pólitíska at sem fylgir því að stýra RÚV
Stefán Eiríksson segist að sjálfsögðu hafa sínar pólitísku skoðanir og lífsviðhorf, en sé ekki tengdur neinum stjórnmálaflokkum og með góða reynslu af því að takast á við stjórnmálamenn.
Kjarninn 22. febrúar 2020
Svandís Svavarsdóttir
Sjúklingar borga minna
Kjarninn 22. febrúar 2020
Hörður Arnarson, forstjóri Landsvirkjunar.
Hörður segir Samtök iðnaðarins í áróðursherferð gegn orkufyrirtækjum
Forstjóri Landsvirkjunar spyr hvort meirihluta aðildarfélaga Samtaka iðnaðarins sé samþykkur því að íslenska þjóðin gefi 20-30 milljarða króna til nokkurra alþjóðlegra stórfyrirtækja með því að hætta að selja upprunaábyrgðir.
Kjarninn 22. febrúar 2020
Kórónaveiran breiðist út – Viðbúnaður aukinn í Bandaríkjunum
Alþjóðaheilbrigðisstofnunin WHO hefur lýst því yfir, að nauðsynlegt sé að auka viðbúnað til að hefta útbreiðslu kórónaveirunnar.
Kjarninn 21. febrúar 2020
Magnús Halldórsson
Ekki gleyma listinni í stjórnmálabröltinu
Kjarninn 21. febrúar 2020
Meira eftir höfundinnBirgir Þór Harðarson
Meira úr sama flokkiFréttaskýringar
None