ESB kynnir áætlanir fyrir Brexit-viðræður

ESB tekur stöðu með Evrópuríkjum í áætlunum fyrir Brexit-viðræður. Bretar verða að ganga úr ESB áður en hægt er að ræða framtíðina, að mati Donalds Tusk.

Aðildarríki Evrópusambandsins eru nú 28 en verða 27 um leið og skilnaður Bretlands og ESB tekur gildi.
Aðildarríki Evrópusambandsins eru nú 28 en verða 27 um leið og skilnaður Bretlands og ESB tekur gildi.
Auglýsing

Don­ald Tusk, for­seti Evr­ópu­ráðs Evr­ópu­sam­bands­ins, kynnti drög að áætl­unum Evr­ópu­sam­bands­ins (ESB) í aðdrag­anda við­ræðn­anna við Bret­land í Kýpur í gær­morg­un. Aðild­ar­ríkin 27 hafa fengið drögin send til umsagn­ar.

Drögin verða rædd og end­ur­skoðuð á ráð­stefnu for­sæt­is­ráð­herra aðild­ar­ríkj­anna í lok apr­íl. Úr þeirri vinnu eiga fyr­ir­ætl­anir Evr­ópu­sam­bands­ins að vera sam­þykktar áður en við­ræður hefj­ast við Breta um útgöngu þeirra úr ESB sem verður í síð­asta lagi í mars 2019, hvort sem samn­ingar hafa tek­ist eður ei.

Í drög­unum má hins vegar finna margar vís­bend­ingar um afstöðu ESB til hinna ýmsu mála sem orðið hafa til í kjöl­far þess að Bretar ákváðu að yfir­gefa sam­bandið í þjóð­ar­at­kvæða­greiðslu síð­asta sum­ar.

Auglýsing

Svo gæti farið að með lög­skiln­aði Bret­lands og ESB muni Spánn fá Gíbraltar aftur úr hendi Breta. Í áætl­un­ar­drög­unum má finna klausu um að ESB ætli nú að styðja kröfu Spán­verja um að hafa sitt að segja í mál­efnum Gíbralt­ar.

Í frétt The Guar­dian segir að með þessu sé Evr­ópu­sam­bandið í raun að gefa Spán­verjum neit­un­ar­vald í öllum við­ræðum Bret­lands og Evr­ópu­sam­bands­ins. Í reynd lítur Evr­ópu­sam­bandið þannig á málið að með því að yfir­gefa ESB þá þurfi Bretar að semja upp á nýtt um land­svæðið sem til­heyrir Gíbralt­ar, og þá beint við Spán.

Þetta mun að öllum lík­indum reita bresk stjórn­völd til reiði, enda hafa Bretar hafnað öllum kröfum Spán­verja um að Gíbraltar verði aftur innan spænskra landamæra. Bretar tóku Gíbraltar yfir árið 1713 og íbúar þar hafa haft breskt rík­is­fang síð­an.

Skotar vilja kjósa um sjálf­stæði

Heima í Bret­landi berj­ast Bresk stjórn­völd við annað risa­mál því nú hafa Skotar óskað eftir því form­lega að haldin verði önnur þjóð­ar­at­kvæða­greiðsla um sjálf­stæði Skotlands. 59 þing­menn af 69 á skoska þing­inu kusu með þeirri til­lögu að óskað yrði eftir atkvæða­greiðsl­unni.

Í skoð­ana­könn­unum er ekki hægt að greina á hvorn veg slík þjóð­ar­at­kvæða­greiðsla mundi fara, en í þjóð­ar­at­kvæða­greiðsl­unni um Brexit kusu Skotar heldur að vera áfram í ESB. 62 pró­sent skosku þjóð­ar­innar kaus gegn útgöngu. Það er því hugs­an­legt að breska sam­bands­ríkið lið­ist í sundur með útgöngu Breta.

Risa­á­kvarð­anir fram undan

Síðan Bret­land hóf form­lega þátt­töku í Evr­ópu­sam­vinn­unni árið 1973 hefur gríð­ar­lega margt breyst í breskri stjórn­sýslu. Ýmis verk­efni sem áður voru á könnu emb­ætt­is­manna í London hafa færst til Brus­sel og enn fleiri verk­efni sem urðu til á síð­ustu ára­tugum hefur ávalt verið stjórnað frá Brus­sel eða Frank­furt.

Það mun því verða risa­vaxið verk­efni fyrir bresk stjórn­völd að færa þessi verk­efni aftur til London og koma þeim fyrir í bresku stjórn­kerfi.

Theresa May, forsætisráðherra Bretlands, óskaði eftir útgöngu Bretlands úr ESB í vikunni. Tvö ár mega líða áður en Bretland verður formlega utan sambandsins.

Átök eru þegar hafin um þetta mál í sölum breska þings­ins. Laga­frum­varpið sem Brex­it-ráð­herr­ann David Davis hefur lagt fram hefur fengið nafnið „the Great Repeal Bill“, sem hægt er að kalla „Stóru afnámslög­in“ á íslensku. Stjórn­mála­skýrendur á Bret­landseyjum telja afnámslögin vera eina stærstu aðgerð stjórn­valda þegar kemur að útgöngu Breta.

Í frum­varpi stóru afnámslag­anna er breskum stjórn­völdum gert kleift að ýta á bil­inu 800 til 1.000 mis­mun­andi lögum í gegnum þingið án þess að þau fái þing­lega með­ferð. Stjórn­ar­and­stæð­ingar og stjórn­mála­skýrendur hafa bent á spill­ing­ar­hætt­una sem fylgir þessu, og tæki­fær­unum sem bresk stjórn­völd fá til þess að auka völd sín gagn­vart þing­inu.

Áætlun Evrópu í viðræðunum við Breta

Hér eru helstu atriði áætl­unar ESB fyrir við­ræð­urnar við Breta. Áætl­unin hefur verið send öllum aðild­ar­ríkjum ESB og verður rædd á ráð­stefnu for­sæt­is­ráð­herra aðild­ar­ríkj­anna 27 sem eftir standa í lok apr­íl.

Útganga fyrst, fram­tíð síðar

Í bréfi sínu til Don­alds Tusk seg­ist Ther­esa May, for­sæt­is­ráð­herra Bret­lands, vona að hægt verði að ræða fram­tíð­ar­samn­inga með fram því að gengið verði frá skiln­að­ar­papp­ír­unum á næstu tveimur árum. Í drögum ESB segir að slíkt standi ekki til boða. Fyrst verði Bret­land að hafa náð „full­nægj­andi fram­gang­i“.

Við­skipta­samn­ingar til fram­tíðar eftir útgöngu

Samn­ingar um fram­tíð sam­bands ESB og Bret­lands verður aðeins hægt að klára eftir að Bret­land hefur yfir­gefið sam­band­ið, eða er orðið að „þriðja landi“ eins og það er orð­að.

Við það bæt­ist að ESB lítur svo á að á meðan útgöngu stendur og strax í upp­hafi end­ur­mót­aðs sam­bands verði evr­ópskt reglu­verk að gilda. Það er and­stætt hug­myndum Brex­it-­leið­toga sem vilja, til dæm­is, að Bret­land verði utan lög­sögu Evr­ópu­dóm­stóls­ins frá og með útgöngu.

Evr­ópu­sam­bandið leggur áherslu á að

  • Tryggja rétt­indi evr­ópskra rík­is­borg­ara í Bret­landi og breskra rík­is­borg­ara á meg­in­land­inu sem verða fyrir áhrifum af útgöngu Breta.
  • Koma í veg fyrir laga­legt tóma­rúm fyrir fyr­ir­tæki þegar Evr­ópusátt­málar falla úr gildi.
  • Sam­staða um fjár­fram­lög vegna Brexit – Ganga úr skugga um að Bretar átti sig á skuld­bind­ingum sín­um.
  • Standa vörð um frið­ar­við­ræður í Norð­ur­-Ír­landi.

Áherslur í samn­ingum til fram­tíðar

  • Standa vörð um fjórar stoðir Evr­ópu­sam­vinn­unn­ar. „Ríki sem ekki er aðili að ESB getur ekki haft sömu rétt­indi og notið sama ávinn­ings og aðild­ar­rík­in.“
  • Þátt­taka í sam­eig­in­legum mark­aði verður byggð upp „frá svæði til svæð­is“.
  • Tryggja jafna og sann­gjarna sam­keppni á mark­aði milli Evr­ópu og Bret­lands.
  • Evr­ópa stendur með Spáni í öllum deilum sem tengj­ast Gíbralt­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Flest þeirra starfa sem orðið hafa til síðustu mánuði eru í ferðaþjónustu.
Færri atvinnulausir en fleiri fastir í langtímaatvinnuleysi
Í febrúar 2020, þegar atvinnulífið var enn að glíma við afleiðingar af gjaldþroti WOW air og loðnubrest, voru 21 prósent allra atvinnulausra flokkaðir langtímaatvinnulausir. Nú er það hlutfall 38 prósent.
Kjarninn 13. ágúst 2022
Eggert Þór Kristófersson.
Eggert kominn með nýtt forstjórastarf tæpum tveimur vikum eftir að hann hætti hjá Festi
Fyrrverandi forstjóri Festi hefur verið ráðinn til að stýra stóru landeldisfyrirtæki á Suðurlandi sem er í þriðjungseigu Stoða. Hann fékk fimmtánföld mánaðarlaun greidd út við starfslok hjá Festi.
Kjarninn 13. ágúst 2022
Jimmie Åkesson, formaður Svíþjóðardemókratanna.
Gömlu blokkirnar brotna í breyttu pólitísku landslagi
Innreið öfgahægriflokks Svíþjóðardemókrata inn í meginstraum sænskra stjórnmála hefur verið áberandi undanfarið á sama tíma og glæpatíðni vex. Lengi neituðu allir aðrir flokkar að vinna með Svíþjóðardemókrötum – þar til á síðasta ári.
Kjarninn 13. ágúst 2022
Meira eftir höfundinnBirgir Þór Harðarson
Meira úr sama flokkiFréttaskýringar
None