Eikonomics óskar ykkur öllum gleðilegrar hátíðar

Eiríkur Ragnarsson, Eikonomics, fer yfir þá pistla sem hann skrifaði á Kjarnann á árinu. Og gerir upp á milli þeirra.

Auglýsing

Á þessu ári hef ég sent frá mér 18 Eikonomics pistla hér á Kjarn­an­um. Þar sem ég þjá­ist af algjörri rit­stíflu þessa dag­ana, en langar þó að koma út einum pistli áður en árið er á enda, ætla ég að þessu sinni að rifja upp árið og deila með ykkur því sem stóð upp úr.

Vin­sæl­asti pistill­inn

Reyndar veit ég ekki nákvæm­lega hver vin­sæl­asti pist­ill árs­ins var. Ef Face­book Like mæla vin­sældir þá hefur pistill­inn um hvata­vanda­málin í eld­hús­inu vinn­ing­inn. Pistill­inn, sem kall­ast Sá sem eldar á líka að vaska upp gengur út á það sýna fram á það að skil­virkast sé að sá sem eldi mat­inn vaski einnig upp eftir hann. Alla­vega sam­kvæmt hug­myndum hag­fræð­inn­ar. 

Pistil­inn má lesa í heild sinni hér.

Óvin­sæl­asti pistill­inn

Óvin­sæl­asti pistill­inn, sam­kvæmt Face­book Like-um, er pist­ill sem ég skrif­aði um hval­veiði­skýrslu Hag­fræði­stofn­unar HÍ. Það muna kannski ein­hverjir eftir tryllta hval­veiði­skýrslu­inter­netó­veðr­inu sem setti raf­ræna-Ís­land á hlið­ina, í u.þ.b. fimm mín­útur áður en næsta inter­net-ham­för reið yfir og allir gleymdu skýrsl­unni. Mér þótti heldur þrengt að hinni ágætu Hag­fræði­stofnun HÍ og gaf út ein­hvers­konar sam­an­tekt á þess­ari skýrslu, á hálf­gerðu manna­máli.

Auglýsing
Það kom mér reyndar lítið á óvart að þessi pist­ill hafi ekki tryllt inter­netið (hann er ekki þess eðl­is). Hann kom mér þó í pontu Alþingis þegar Krist­ján Þór Júl­í­us­son benti á ágæti pistils­ins og sagði þing­mönnum að „það sé bara þörf lesn­ing fyrir alla að fara í gegnum [psitil­inn]“. Mögu­lega fóru sam­starfs­menn Krist­jáns eftir ráðum hans. En ef svo var þá gáfu þeir mér alla­vega ekki Like.

Pistil­inn má lesa í heild sinni hér.

Furðu­leg­asti pistill­inn minn

Stundum þegar ég sendi pistil á Kjarn­ann og hugsa með mér: „Nú fæ ég svar­ið: Kæri Eirík­ur, þakka þér fyrir pistil­inn. Við skulum láta þennan verða þann síð­asta.“ 

Í Júlí skil­aði af mér pistli um með­al­töl. Bók­staf­lega. Hann er um ekk­ert annað en með­al­töl, hvernig þau eru reikn­uð. Og ekk­ert ann­að. Þegar ég skil­aði honum var ég viss um að ég fengi svarið að ofan, eða kannski bara: Takk og bless.“ 

En svo var ekki. Það voru meira að segja þrisvar sinnum fleiri sem setu Like á hann heldur en settu Like á hval­veiði­grein­ina.

Pistil­inn má lesa í heild sinni hér.

Upp­á­halds greinin mín

Í Mars skrif­aði ég grein þar sem ég loks­ins kom því í orð af hverju í ósköp­unum ég er að hafa fyrir því að skrifa þessa pistla yfir höf­uð. Pistill­inn, sem ber heitið Máttur leið­ind­anna, fjallar um það hvernig mik­il­væg mál­efni, sem hafa gríð­ar­leg áhrif á dag­legt líf okkar allra, eru oft klædd – vilj­andi og óvilj­andi – i gríð­ar­ljóta (og leið­in­lega) bún­inga. Þessir for­ljótu, hall­æris­bún­ing­ar, sem mál­efnin koma í gera það að verkum að almenn­ingur hefur ekki sömu tæki­færi til að taka þátt í umræð­unni og skilja stór mál­efni. Allt skilar þetta sér í því að þeir sem hags­muni hafa og skilja mál­efnin (sem oft er sama fólkið og klæðir þau í ömur­lega bún­inga) kom­ast upp með meira – á kostnað þeirra sem, eðli­lega, ekki skilja hlut­ina eins vel.

Pistil­inn má lesa í heild sinni hér.

Upp­á­halds graf­íkin mín

Ef Eikonomics væri kaka þá væri hún þýsk Stollen. Töl­fræði væri mar­sípan­ið, sem liggur í gegnum hana alla.

Þar sem er töl­fræði er oft líka graf­ík. Oft er graf­íkin mín frekar tækni­leg, en mark­mið mitt er venju­lega að les­endur geti lesið og skilið pistl­ana mína án þess að þurfa á graf­ík­inni að halda. Graf­íkin eru rommmar­íner­aðar rús­ín­ur, sem lúð­arnir geta étið en aðrir sleppt.

Upp­á­halds graf­íkin mín í ár er laus við alla sam­keppni. Því þegar ég skoð­aði verð­bólgu­gögn, frá árinu 2004 til 2018, bregður nefni­lega verð­bólgu­draugnum fyr­ir. Það er að segja verð­bólgu­skotin þrjú, í kringum bankaruglið á fyrsta ára­tug þess­ara ald­ar, taka á sig form draugs – verð­bólgu­draugs. Þetta þótti mér fynd­ið. Kannski er ég einn um það.

Verð­bólgu­draug­ur­inn má finna í gögnum Hag­stofu Íslands.

Pistil­inn, þar sem verð­bólgu­draugnum bregður fyr­ir, má lesa í heild sinni hér.

Tak fyrir mig og gleði­lega hátíð

Ann­ars þakka ég öllum sem þeim sem lásu pistl­ana mína í ár. Von­andi höfðu þið eitt­hvað gagn og gaman af lestr­in­um. Og von­andi haldið þið áfram að lesa á næsta ári. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kröfum gegn starfsmannaleigunni Menn í vinnu og Eldum rétt vísað frá dómi
Kröfum fjögurra erlendra starfsmanna gagnvart starfsmannaleigunni Menn í vinnu og notendafyrirtækinu Eldum rétt um vangreidd laun og miskabætur var vísað frá í Héraðsdómi Reykjavíkur í dag. Stjórnendur starfsmannaleigunnar fá greiddan málskostnað.
Kjarninn 24. febrúar 2021
Finnur Torfi Stefánsson
Vinstri Græn Samfylking
Kjarninn 24. febrúar 2021
Magnús Guðmundsson
Vatnajökulsþjóðgarður á góðri leið
Kjarninn 24. febrúar 2021
Grjóthrun hefur orðið á Reykjanesskaga og varað er við frekara hruni. Myndina tók áhöfn Landhelgisgæslunnar í eftirlitsflugi í morgun.
Hættustigi lýst yfir: Grjót hrunið úr fjöllum og hvítir gufustrókar sést
Lýst hefur verið yfir hættustigi almannavarna á Reykjanesskaga og höfuðborgarsvæðinu vegna jarðskjálftahrinunnar sem hófst í morgun. Grjót hefur hrunið úr fjöllum á Reykjanesi og hvítir gufustrókar á jarðhitasvæðum sést á svæðinu.
Kjarninn 24. febrúar 2021
Finnst það „mikill dómgreindarbrestur“ hjá Áslaugu að hafa hringt í lögreglustjórann
Þingmaður Viðreisnar gagnrýnir dómsmálaráðherra fyrir að hringja í lögreglustjórann á höfuðborgarsvæðinu eftir að lögreglan upplýsti um að annar ráðherra, formaður flokks hennar, hefði verið í samkvæmi sem leyst var upp vegna gruns um sóttvarnarbrot.
Kjarninn 24. febrúar 2021
Jóhann Páll Jóhannsson
Frá atvinnukreppu til framsækinnar atvinnustefnu
Kjarninn 24. febrúar 2021
Kristín Jónsdóttir, hópstjóri náttúruvárvöktunar Veðurstofu Íslands.
„Við þurfum að undirbúa okkur fyrir að það verði stærri skjálftar“
Kristín Jónsdóttir hjá náttúruvárvöktun Veðurstofu Íslands segir að líkur séu á fleiri skjálftum og að við þurfum að vera við því búin að þeir verði stærri en þeir sem orðið hafa í morgun.
Kjarninn 24. febrúar 2021
Ármann Höskuldsson eldfjallafræðingur við Háskóla Íslands.
„Þetta eru mikil læti“
Eldfjallafræðingurinn Ármann Höskuldsson segir að jarðskjálftahrinan mikla á Reykjanesi í dag þurfi ekki að leiða til eldgoss en bendir á að svæðið sé þekkt eldgosasvæði „og það hlýtur að koma að því“ að það komi „eitthvað upp“.
Kjarninn 24. febrúar 2021
Meira úr sama flokkiEikonomics