Danir þurfi að læra meira um Færeyjar og Grænland

Fánadagar í danska konungsríkinu urðu 19 í ár þegar færeyskum og grænlenskum fánadögum var bætt við. Þessi sáttahendi danskra stjórnvalda er hins vegar orðin hálf lympuleg því Danir flögguðu vitlausum fána fyrir Færeyjar.

Svona er færeyski fáninn; rauður kross með bláum borða á hvítum fleti.
Svona er færeyski fáninn; rauður kross með bláum borða á hvítum fleti.
Auglýsing

Enn rak veg­far­endur í Dan­mörku í rogastans þegar þeir sáu annan fánan en Dannebr­og, þjóð­fána Dan­merk­ur, blakta við opin­berar bygg­ingar síð­ast­lið­inn laug­ar­dag þegar fyrsti opin­beri fær­eyski fána­dag­ur­inn var í Dan­mörku. Áður höfðu Danir velt fyrir sér að morgni sól­stöðu­dags 21. júní hvers vegna græn­lenski þjóð­fán­inn blakti við allar stjórn­ar­bygg­ingar og á stræt­is­vögn­um, eins og Dannebrog gerir á opin­berum fána­dög­um. Ástæðan var sú að þá var fyrsti græn­lenski fána­dag­ur­inn í Dan­mörku.

En það var ekki vegna þess að fyrsti fær­eyski fána­dag­ur­inn var í Dan­mörku laug­ar­dag­inn 29. júlí sem fólki brá í brún þegar það báru fán­ana aug­um, heldur vegna þess að lit­unum hafði verið snúið við í fær­eyska flagg­inu. Í stað þess að rauður kross með bláum borða lægi á hvítum fleti var kross­inn blár og með rauðum borða.

Auglýsing

Dönum tókst nefni­lega að flagga vit­lausum fána á þessum fyrsta opin­bera fána­degi Fær­eyja í Dan­mörku og þykir málið hið vand­ræða­leg­asta fyrir dönsk stjórn­völd og Lars Løkke Rasmus­sen for­sæt­is­ráð­herra. „Þetta und­ir­strikar — þyngra en tárum taki — punkt­inn minn um að við þurfum að vita meira um hvort ann­að,“ skrif­aði Rasmus­sen á Twitter þegar mis­tökin uppgvöt­uð­ust.



Fær­eyski stjórn­mála­mað­ur­inn Sjúrður Skaale lét svo hafa eftir sér á danska vefnum Politiko að hann hafi fyrst haldið að mynd­irnar hefðu verið skrum­skældar í tölvu. „Þetta sýnir ótrú­lega mik­inn skort á þekk­ingu meðal Dana á Fær­eyj­um. Það eru margir Fær­ey­ingar sem telja sér sýnd mikil van­virð­ing með þessu.“

Vit­lausu fán­ana fram­leiddi elsta fána­sauma­stofa í Dan­mörku. Dahls Flag­fa­brik stærir sig af því á vef­síðu sinni að danski fán­inn, Dannebr­og, hafi aldrei selst upp í versl­un­inni nema dag­inn sem Dan­mörk var leyst undan járn­hæl Þýska­lands eftir seinni heim­styrj­öld­ina 5. maí 1945. Peter Øster­bye, for­stjóri fyr­ir­tæk­is­ins, segir málið vera allt hið vand­ræða­leg­asta.

Færeyski fáninn réttur og rangur.

Töldu fánastangir í jan­úar

Stjórn­völd í Dan­mörku ákváðu upp­hafi árs að fjölga opin­berum fána­dögum úr 17 í 19 þetta árið. Opin­ber græn­lenskur fána­dagur yrði 21. júni á þjóð­há­tíð­ar­degi Græn­lands og á þjóð­há­tíð­ar­degi Fær­eyja, Ólafs­deg­inum 29. júlí, yrði opin­ber fær­eyskur fána­dag­ur. Það var hins vegar ekki til­kynnt fyrr en eftir sér­lega flaggstanga­taln­ingu í danska rík­inu.

Í jan­úar sl. bár­ust for­­stöð­u­­mönnum danskra rík­­is­­fyr­ir­tækja og stofn­ana rík­­is­ins bréf frá fjár­­­mála­ráðu­­neyt­inu. Þótt þeir væru ýmsu vanir þegar kemur að erindum og fyr­ir­­spurnum frá því virð­u­­lega ráðu­­neyti var inn­i­hald bréfs­ins ólíkt öllu því sem áður hafði borist. Þeim var semsé gert að telja þær flaggstangir sem til­­heyrðu við­kom­andi stofnun og senda fjár­­­mála­ráðu­­neyt­inu upp­­lýs­ing­­arn­­ar. „Maður er nú öllu vanur úr þess­­ari átt“ sagði for­­stöð­u­­maður einnar rík­­is­­stofn­unar og bætti við „hvað skyldu þeir háu herrar vilja fá talið næst?“ Ekki kom þó til þess að óskað væri eftir upp­­lýs­ingum um fjölda hand­lauga og fata­hengja, eins og einn for­­stöð­u­­maður lét reyndar fylgja með þegar hann upp­­lýsti að hjá sinni stofnun væri ein flagg­­stöng, sem því miður hefði nýlega brotn­að. 

Fjöl­mið­l­­arnir gerðu sér mik­inn mat úr þessu taln­inga­­máli sem þeir köll­uðu „Flagstangs­ga­te“ og veltu fyrir sér til­­­gang­in­­um. Emb­ætt­is­­menn­irnir voru þög­ulir sem gröf­in, vís­uðu á for­­sæt­is­ráð­herr­ann þegar spurt var.

Nokkrum dögum eftir að taln­ing­­ar­­skip­un­­ar­bréfið var sent út upp­­lýsti for­­sæt­is­ráð­herr­ann um málið á fés­­bók­­ar­­síðu sinni. Sér væri mjög hlýtt til Græn­­lend­inga og Fær­ey­inga (Sól­­run, eig­in­­kona ráð­herr­ans, er fær­eysk) og nú hefði hann ákveðið að Græn­­lend­ingar og Fær­ey­ingar fengju sér­­stakan fána­dag. „Þegar farið var að ræða um þetta kom í ljós að í fórum rík­­is­ins voru engar upp­­lýs­ingar til um fjölda opin­berra flaggstanga í kon­ungs­­rík­­in­u,“ sagði ráð­herr­ann. Til að allar stofn­­anir gætu fengið þjóð­­fán­ana væri nauð­­syn­­legt að vita hve marga þyrfti að útvega. Ráð­herr­ann til­­kynnti svo síðar að fána­dag­­arnir yrðu 21. júní fyrir Græn­land og 29. júlí fyrir Fær­eyj­ar

Flaggstang­irnar eru 534

Svör við spurn­ingu ráðu­­neyt­is­ins bár­ust fljótt og vel. Opin­berar flaggstangir reynd­ust 534 tals­ins. Nokkrir for­­stöð­u­­menn til­­kynntu um brotnar stangir en það stæði til bóta. Þegar stanga­­fjöld­inn lá fyrir gátu emb­ætt­is­­menn fjár­­­mála­ráðu­­neyt­is­ins pantað þann fjölda fána sem til þurfti og þeim var svo komið til stofn­ana rík­­is­ins um land allt og send­i­ráða Dan­­merkur víða um heim.

Á opin­berum fána­dögum í Dan­mörku, sem telja almenna hátíð­is- og tylli­daga auk afmæl­is­daga fjöl­skyldu Mar­grétar Þór­hildar Dana­drottnign­ar, er flaggað við opin­berar bygg­ingar og stræt­is­vagnar aka um götur bæja og borga með fána­veif­ur. Þar til græn­lenski fán­inn var dreg­inn að húni að morgni dags 21. júní hafði eng­inn fáni annar en danski þjóð­fán­inn, Dannebr­og, blakt á opin­berum flagg­stöngum í Dan­mörku.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira eftir höfundinnBirgir Þór Harðarson
Meira úr sama flokkiFréttaskýringar
None